September thla kha record china September thla lum ber niin a hmaa record chu nasa takin a khum a ni tiin EU climate service chuan a tarlang.
Thla kalta kha average September temperature 1991-2020 aiin 0.93C in a lum zawk a, kum 2020 a a lum ber ai pahwin 0.5C in a la lum zawk tho.
Khawlum lutukna chhan hi warming gases emission belh zel bakah El Nino weather event vang niin mithiam te chuan an sawi a.
Scientists te chuan a lum belhna chuan a barakhaih thu sawiin hei vang hian kum 2023 chu record awm china kum lum ber a nih ngei an rin thu an sawi.
September thla kha northern hemisphere a summer lum ber ni tawh sa bawkin temperature sang chuan tlakhniam lam a pan nasa hle a.
Copernicus Climate Change Service data chuan September thlaah khan kum 1940 atanga long term average te a khum vek tiin a tarlang bawk.
“September thla kha climate scientists ka nih angin min barakhaih chiang hle a ni,” tiin Zeke Hausfather, experienced researcher chuan a sawi a.
A lum belhna hi degree khat dawn niin chu chu climate lama tehna angah chuan sang tak niin Europe bikah chuan khawlum nasa zual lutuk sanbelhna chu 2.51C ang vela hrut rual theih a ni a, turu tak tia sawi a ni.
Climate researchers te hian tehna an siamah tuna temperature ni mek leh fossil fuel hman hmaa temperature te chu khaikhin nan ber an hmang thin a ni. Thla kalta kha pre-industrial period aia a lumna chu 1.75C vel niin thla khat record bika a san ber tum a ni bawk a.
Chu chuan researcher te chu ngaihthain a siam hauh lo va. Kum 2015 a Paris a political leader meeting te khan tun kum zabi chhung hian global temperature sanna chu 1.50C aia hnuaia dah tumin inremna an lo siam tawh a ni.
Khawvel temperature chuan san lam pan zual zelin mithiamte chuan kum 2023 bikah hi chuan khawvel temperature sanna chu 1.50C hnuaiah hret a la awm dawn tho turah an ngai a. Khawvela kum lum ber record chu kum 2016 kha a ni a, hei hi tunah hian September thla thleng kha chuan 0.50C in a khum mek tawh a ni.
September thla kha thla lum ber ti
