Serchhip district-a Assembly bial pathum awmah MLA inthlan atan polling station 88 a awm dawn a, Thawhlehni zing khan Serchhip atangin polling party te an chhuak.
Serchhip khawpui atanga polling station hla ber chu 22-Sailulak Polling Station niin, Despatch Centre DC office atangin km. 79.05 a hla a ni. 27-Tuikuma duty tur polling party 8 leh 28-Hrangturzoa duty tur polling party 7 te an chhuak hmasa a. 26-Serchhip polling station hrang hranga duty tur ten a hnung an khar a ni.
Serchhip district-a Assembly bial pathumah hian tun inthlana hman tur electoral roll thar bera a lan danin, polling station 88 zinga voter tamna ber chu 22-Serchhip XII niin voter 976 an awm a; voter tlemna ber polling station chu 31-Vanchengte P/S niin voter 95 an awm a ni.
Serchhip district-ah P/S 88
