US Open title a kawl lai humhim tura a in-buatsaihna kal mekah Ningani khan world number one Iga Swiatek chuan set khatna hloh zet chungin world num-ber 24 Zheng Qinwen lakah 3-6 6-1 6-1 hnehna a changlet a, Cincinnati Open last 16 a lut.
August ni 28 atang khian season khat chhunga grand slam tournament hnuhnung-ber US Open chu New York khuaa khelh tan tur niin, hmeichhe singles champion lai Pole hian Cincinnati lamah inpuah-chahna a la kalpui chhunzawm zel thei a, quarter-final lamah Wimbledon cham-pion leh tournament kal laia 10th seed luahtu ni bawk Marketa Von-drousova a tum leh dawn a, kum 22 mi tan fiahna lian a ni ang.
US Open champion Swatek laka a tlawm hma chiah Nilainia Chinese Zheng khan second round atangin seven-time major cham-pion Venus Williams a hnawtchhuak a, third round-ah bul tan tha zawk mah se Polish nula a paltlang zo lo.
Top seed Swiatek tum leh tur Czech Vondrousova chuan last 16 inkhel dangah 7-5 6-3-in American kum 3 mi Sloane Stephens a hneh a; Ningani vek khan 2022 Wimbledon champion leh world number four ni bawk Elena Rybakina chu 6-4 2-5-a hma a hruai laiin a inhnukdawk a, rinkai lo zawk Italian qualifier Jasmine Paolini chuan final eight a luh phah.
Greek eighth seed Maria Sakkari pawhin 3-6 6-2 6-3-a Czech Karolina Muchova hnehin round sang zawk a lut ve bawk.
Karliamta maia Canadian Open title hawntu American world number three Jessica Pegula leh Czech Republic nula Marie Bouzkova in-khelah tu zawkin nge last 16 paltlang tarlan hman a ni lo.
Last-16 match dangah Linda Noskova of the Czech Republic chuan American se-venth seed Coco Gauff tumin, Wimbledon fi-nalist Ons Jabeur chuan seeded fifth ni chungin Croatian Do-nna Vekic a hma-chhawn a, Russian 2nd seed Aryna Sabalenka leh a chipui Daria Ka-satkina inkhel result tarlan hman a ni lo.
Set hloh chunga kirleh Swiatek
