Sia hla hit ‘Cheap Thrills’ music video hian 2018 khan YouTube-ah vawi tluklehdingawn en a lo hlawh tawh a, tunah chuan, kum ruk hnuah a ‘Cheap Thrills’ video dang, dance-focused ‘performance edit’ video pawhin YouTube-ah vawi tluklehdingawn en a hlawh ve leh ta a ni.
‘Cheap Thrills (Performance Edit)’-ah hian Sia-i’n a music video-a lamthiam a hman thin Maddie Ziegler bawk a lang leh a, ani hi a original music video-a dancer tho kha a ni. He video tharah hi chuan a choreography a dang deuh a. Sia pawh a style ngaiin, samlem hmanga a hmai kuh leh hlunin a kil khatah a lo zai ve leh ngar ngar bawk.
Sia hla hit ‘Cheap Thrills’ hi Sia album ‘This Is Acting’ atanga a single niin, 2016 khan Billboard Hot 100 (singles) chart-ah kar li a No.1 thei. Sia music video dang YouTube-a vawi tluklehdingawn en hlawh thei ‘Elastic Heart,’ leh ‘Chandelier’-ah te pawh Maddie Ziegler hi a inlan vek a, hei bakah hian David Guetta leh Sia thawhdunna ‘Titanium’ leh Sia leh Zayn Malik te thawhdunna ‘Dusk Till Dawn’ music video-ah te pawh Ziegler hi a inlan vek bawk.
Sia sawi takah chuan an album thar ‘Reasonable Woman’ chu May ni 3 khan a tlangzarh a, he album-ah hian Chaka Khan, Kylie Minogue, Labrinth leh Paris Hilton te pawhin an aw an thawh ve a, he album, hla 15 awmna hi ‘This Is Acting’ hnua Sia album pangngai tlangzarh leh hmasak ber a ni.
Sia ‘Cheap Thrills’ performance edit dance video-in 1B view a kai
