Siaha-ah MBOCWWB inhrilhfiah
Labour, Employment, Skill Development & Entrepreneurship (LESDE) department bultumin Siaha district-a khaw thlan chhuah 10-ah Mizoram Building & Other Construction Workers Welfare Board (MBOCWWB) a inziaklut member-te tana hamthatna dawn theih leh member nih theih dan chu Thawhlehni atang khan inhrilh a ni.
MBOCWWB bakah scheme hrang hrang hamthatna awmte mipuiin zau zawka an hriat theih nan sawrkarin kumin October – November chhunga Mizorama khua 200-a kalpui hman tura a tih angin, Siaha district-ah pawh awareness campaign hi neih tan a ni a. Saiha Assembly bial leh Palak Assembly bial atangin khua/veng 5 ve ve thlan niin, heng khua/vengah hian awareness cum registration campaign hi kalpui tur a ni.
Siaha district ah chuan Thawhlehni khan Tisopi khua atanga tan a ni a. Hemi rual hian sawrkar laipui scheme, PM – SYM leh ESHRAM chungchang inhrilh nghal a ni bawk.
Siaha-ah MBOCWWB inhrilhfiah
