Mizoram Journalists’ Association member 10, Press Tour neia November 26-30 chhung Sikkim tlawhtute chu Inrinni khan Mizoramah an rawn let.
Sikkim-ah hian Information & Public Relations department hnuaia information officer-ten lo dawngsawngin, department secretary leh director nen an inkawm a. Office-a archive leh.studio bakah hmun hrang hrang an fanpui a, ngaihhruina thilpek an lo hlan theuh bakah Press Tour-a kalte hian Mizoram atanga an ken thilpek an hlan ve bawk.
Sikkim Press Club an tlawhnaah Sikkim journalist-te nen an inkawm a. Sikkim Press Club-ah hian member 150 vel an awm mek a, kumin atangin Journalist Pension Scheme an hmang tan a, tunah hian pensioner 12 neiin thlakhatah Rs 12000 pension an la a ni. State pahnih journalist-te hian thilpek an inhlan tawn a ni.
India leh China inrina, India leh China gate a thianga ding, inep chiaha awmna hmun, Nathula an tlawh a. Nathula Pass bakah hian khualzinmite kal tamna hmun hrang hrang an tlawh a. State eizawnna ber pakhat, khualzin hip lam niin, an state sawrkar hmalakna ber pawh nia a lan thu an sawi a. Vaihlo zial zuk khapna lam an kalpui na in, vaihlo zial zuk phal lohna a tam a, chutihlaiin khualzinmi tlawhtu an tam avangin zu dawr erawh thler lun lai deuhah chuan hmuh tur a awm deuh zel thung tih an sawi a ni.
Sikkim Press Tour-a kalte haw
