Mizorama Sericulture department-in Eri Project a kalpui mek chu Central Silk Board (CSB) nen joint verification neiin tunkar khan loneituten project an kalpui dan an enfiah.
Joint verification team hi hmun hnihah inthenin, chhim lamah Lunglei, Hnahthial leh Serchhip tlawh turin CSB scientist ‘D’ BN Choudhury leh sericulture scientist Dr Lalthlamuana Pachuau te an kal a; khawchhak lamah Champhai, Khawzawl leh Saitual tlawh turin Sericulture deputy director (Technical) B Lalchhuana leh CSB Guwahati assistant secretary Nagest an kal a ni.
Monitoring team hian Eri Project dawngtute plantation site tlawhin hma an lak dan an enpui a. Project kalpui tawh chinah beneficiaries-te hmalakna a tha thawkhat hle in an hmu a, beneficiaries-te pawh dik leh tha taka an tanpuina dawn hmang turin an fuih.
Joint verification report hi central lam atanga project chhunzawm zel nana sum lokal atana pawimawh avangin state department pawh theihtawpin a inbuatsaih a, Eri project bakah Muga project pawh kumin hian kalpui thei turin an inbuatsaih mek tih an sawi a ni.
Silk pangang khawitute hmalakna a hmunah en
