Election Commission of India ruahman anga state leh union territory 16-a Special Intensive Revision of Electoral Roll 2026 kalpui mekah Mizoram chu enumeration form digitization (upload) zo hmasa ber niin, June 25 khan zaa za zawh fel a ni.
Chief electoral officer office hotute sawi danin, Mizoramah voter 8,75,068 awm anga chhinchhiah a ni a, heta tang hian voter 8,75,057 chu digitized a ni a, voter awm zat atang hian 11-in la kim lo mah se, 99.99 ang vel a ni tawh a, zaah zaa pawm theih a ni tawh tih an sawi. Heti hian tun tuma SIR thawh thumna kalpui mekna state leh UT 16 zingah Mizoram chu digitization ti zo hmasa ber a ni tih an sawi bawk.
SIR kalpui mekah enumeration form semchhuah, lakkhawm kim theih loh a nih dan Directorate of Election Mizoram chuan a hrilhfiah a. District tinah ASDD (Absent, Shifted, Dead, Duplicate) list neih chu electoral roll dik leh felfai neih a nih theihnan siam a ni tih a sawi a. Inkaihhruaina awm sa zulzuiin, langtlang taka thil tih a nih zia lantirna atan data tichhuah a ni tih a sawi.
A chunga tarlan list hi puanzar a nih chhan chu stakeholders ten awlsam taka field-level verification leh claims (chanvo hauhna), objections (hnial theih), leh rawtna (inputs), an neih theih nana tih a ni.
Hemi hian a tum chu, electoral roll dik, huapzo leh rintlak buatsaih a ni tih a sawi bawk.
SIR kalpui mekah Mizoram-in enumeration form digitize a zo
