Mizoram-a Special Intensive Revision (SIR) of Electoral Rolls neih turah Thawhtanni khan Aizawlah election officer, electoral registration officer, assistant electoral registration officer leh district level master trainer-te tan an hriat tur tul inhrilh a ni.
Hmanpuitu chief electoral officer Dr Lalrozama chuan, SIR-ah mipui leh Election Commission of India beiseina tihlawhtling turin tan an lak a ngai tih a sawi a. Mizoram khua leh tui diktakten vote an neih theihna turin, tihsual leh hmaih nei loa uluk leh fimkhur taka hna thawk turin a fuih.
Block level officer-te chu an kut-ke ber an nih dawn avangin hmang thiam turin election hotute hi a chah a. Langtlang leh rintlak electoral roll buatsaih turin political party-te an pawimawh tih sawiin, political party-te ruat block level agent-te hmang tangkai turin a chah bawk.
ECI chuan May 14 khan SIR neih tur thu a puan avangin chak takin hmalak nghal a ni a. Tun tumah hian district hrang hranga roll revision tihnaa a bul tumtu turte an hriat tur leh tih tur hrilha kohkhawm an ni.
SIR kalpui turte inhrilhfiah
