SNA SPARSH-ah NE-ah
Mizoram che tha ber
Finance changtu chief minister Lalduhoma hoin Thawhlehni khan SNA Sparsh chungchang sawihoin sawrkar department thlanbikte nen an thukhawm a. EF&CC minister Lalthansanga, RD&A minister Prof Lalnilawma leh adviser to CM TBC Lalvenchhunga bakah official-te an tel.
Sawrkar laipui hnuaia hnathawh, Single Nodal Agency System for Public Account Routing System for Harmonised transfers (SNA SPARSH) hmanga funding kal dan thar sawifiah a ni a. Sawrkar laipuia scheme kalpui mek 66 zingah Mizorama kalpui theih (relevant) scheme 40 an awm a. Chu’ng zinga scheme 34-ah SNA SPARSH hi fel taka chettir mek an ni tih sawi a ni.
Mizoram chu SNA SPARSH kaltlanga sum chevel zawng zawng atanga chhutin hmarchhak state zingah a che tha ber niin, India ramah a ti ber 10 zingah a awm mek tih sawi a ni. Chutih rualin hmabak tlem azawng la awm chu, hun tiam chhunga tha taka kalpui a nih chuan hma lak that lawmman (incentives) SASCI atangin cheng vaibelchhe 350 a hmuh theih tih sawi niin, he lawmman dawng theia hmalak dan tur rel a ni.
SNA SPARSH-ah NE-ah Mizoram che tha ber
