Mizoram sorkar hnuaia thawkte intelkhawmna Federation of Mizoram Government Employees & Workers (FMGE&W) chuan nawrh an rel a, pen down strike neih phawta, an thil ngiatah an hlawhtling lo a nih chuan mahni hnathawhna hmuna kal loh an rel.
Kar hmasa lamah badge dum bela an lungawi loh an lantir hnuah Thawh\anni khan chief minister nen an inbia a, chief minister-in sorkar sum harsatna hrethiam tura a ngenna chu Thawhlehni khan an ngaihtuah a ni.
FMGE&W hnuaia pawl hrang hrang aiawhte’n Thawhlehni khan an kal zel dan tur hi an ngaihtuah a, August ni 28 a\anga ni 30 thlenga pen down strike neih an rel. An thil ngiatah an hlawhtling lo a nih chuan August ni 31 leh September ni 1-ah mass casual leave lak ni se an ti a, chuta an hlawhtling lo a nih chuan September ni 4-ah an kal zel dan tur ngaihtuah ni se an ti.
FMGE&W hian DA tihpun an dil a, dan anga DA tihpun ni se an ti. Sorkar laipui hnuaia thawkte lak ang zat an la tur a ni tih chu danin a sawi dan a nih thu an sawi a, mahse sorkar laipui hnuaia thawkte lak zat hi 10%-in an pha tawh lo tih an sawi.
Sorkar hnathawkte’n nawrh tum
