Sorkar laipuiin nu hnutetui hmanga sumdawnna titawp turin Karnataka court hriattir

Sorkar laipuiin nu hnutetui hmanga sumdawnna titawp turin Karnataka court hriattir
Sorkar laipui chuan Karnataka high court hnenah private company ten nu hnutetui lakhawma an sawngbawl hnuah sumdawnna atana hman a ni leh thin chu tha lo tiin, titawp turin a hriattir a. Court chuan state sorkar hnenah hriattir nghalin, license a lo pek tawhte chu cancel turin a ti.
High court hian PIL lutte chu ngaihtuahin, multinational corporation ten nu hnutetui lakhawma an hralh leh chungchang leh hlawkna an lo nei thin chu tha lo a tih thu a sawi bawk.
Karnataka-ah hian hetiang tithei tura license lo pek tawhte an awm nual a, court thutlukna an hmuh hnuah private firm te hnena license engemawzat an lo pek tawhte chu sorkar in a hlihsak thu an sawi zui ve bawk.
Company thenkhat chuan Ayurvedic norms hnuaiah hetiang license neih theihna hi an nei nia insawiin nu hnutetui chu sumdawnna atan hman phalsak theih an nih thu an sawi a, mahse central sorkar a inrawlh hnuah erawh state pawhin zawmin, cancel a ni ta hlawm a ni.