South Korea chuan China-in North Korean ram chhuahsantu tam tak te a thawnkir tiin a sawi a.
Human rights group report tarlangin China chuan North Koreans 600 chuang a thawn let niin a sawi a.
Seoul chuan human rights group te report hi a dik thu sawiin mahse engzah chiah nge an nih erawh hriat mai theih a ni lo a ti ve thung.
Human Rights Watch (HRW) te chuan heng defector te hi hmeichhia deuh vek an nih thu sawiin North Korea-a mipat hmeichhiatna lama an laka hleilenna kalpui te leh harsatna nasa tak tawk te tiin a sawi.
China chuan za chuang tehmeuh te chu truck-ah phurh niin detention centre aTangin North Korea-ah thawn haw an ni tiin a sawi bawk a.
“Sorkar dinhmun chu a chiang hle a, North Korea an ram chhuahsantute chu eng vang maha thawn let tur an ni lo. An duh lo chunga thawn haw leh chu international norm of non-refoulment a ni” tiin Koo Byoung-sam, spokesman for the South’s Unification Ministry chuan a sawi a.
UN special repporter on human rights in North Korea Elizabeth Salmon chuan dan kalha China ram chhung lut North Koreans 2,000 chuang hrenin an awm tawh tiin a sawi a.
Tihluihnaa thawnhaw leh chungchangah hian China foreign ministry thupuangtu Wang Enbin chuan China-ah ‘North Korean defector an awm lo’ tiin a sawi thung a. Beijing chuan engkimah economic thil avanga North mawhphurhna lain a enkawl thu a sawi.
China aTanga North Korean defector te hnawhchhuah hi Pyongyang in nikum August thlaa ramri a hawn Tangin a nasa zual tia sawi a ni a. July 2021 aTang khan defector hnawhchhuah chu 170 an chuang tawh tia sawi a ni bawk.
Rights group te chuan khawvel ram dangte chu China chetlak dan dem turin a ngen bawk a. Beijing chu North Korean defectors te chu refugee status pe turin emaw South Korea a kaltir turin emaw an ngen a ni.
South Korea-in China sawisel na hle
