Speaker hlui Manohar Joshi thi

Maharashtra CM leh Lok Sabha speaker hlui ni bawk Manohar Joshi, Shiv Sena founder Bal Thackeray a mi rin ber zinga mi ni bawk chu kum 86 mi niin Zirtawpni khan a thi.
Damlo sa reng tawh Joshi hian cardiac arrest a neih hnuah Mumbai a Hinduja Hospital-ah zing lam dar 3 velah a thi a ni A ruang chu a chenna Matunga ah chhun dar 11 atanga tlai lam dar 2 thleng amah thlahna nei duh te tan zalh a ni a. A hnuah Shivaki Park, Dadar ah state chawimawina nen Joshi chu vuiliam a ni dawn a ni.
Shiv Sena indintirh vela hotu lawk hmasa a ni a, Maharashtra a Congress ni lo sorkar hmasa berah Chief Minister nihna a chelh a, chutih lai chu Shiv-Sena-Bharatirya Janata Partyy (BJP) Mahayuti coaltion kum 1995 a thuneihna an chan lai kha a ni.
Bal Thackeray kha Chief Minister atana Joshi dahtu niin amah Thackeray ngei pawhin tu pawh CM ni se la Maharashtra sorkar ah ‘remote control’ kawltu ka ni a ti a. An pahnih hian Srikrishna Commission chuan kum 1992-1993 Bombay riot chhuah laia Shivsainisks te Muslims te laka tharum thawh tura fuihtu tia a puh te an ni.
Joshi chu kum 1995 atanga 1999 thlengin Maharashtra CM a ni a, a hnuah Union Heavy Industries Minister chu Atal Bihari Vajpayee sorkar ah khan kum 1999-2002 chhung khan a ni a.
A political career in san lam pan zelin kum 2002-04 khan Lok Sabha Speaker a ni bawk.
Thackeray-an a hliah hneh hle chungin Joshi chuan a dinhmun a sawhnghet ve tho a, tawngkam thiam tak niin Shiv Sainiks te chuan ‘Sir’ tia an koh a ni. Lok Sabha-ah pawh Speaker a nih laia zahawm taka a chet thin vangin ‘Headmaster’ tia koh fiam a ni bawk.
Shiv Sena (UBT) spokesperson Sanjay Raut chuan Joshi chu thleibik nei lo Lok Sabha enkawltu tiin amah chu entawn tlak a ti a. “Sir tiin ngaina takin kan ko thin a, Balasaheb Thackeray kha chuan ngaina takin Joshi chu ‘Pant’ tiin a ko thin. Shiv Sainiks sang tam tak te tan fighter leh ideal a ni a, Bal Thackeray man a nih laia Shiv Sena tena lungawilohna lantir tirah hmatawngtu a ni thin,” tiin a sawi bawk.
Joshi chauh chu Shiv Sainik zingah politician tlemte chauhin an chelh theih corporator atanga legislator, Chief Minisetr leh a hnuah Central Minister nia Lok Sabha Speaker ni leh zui thei zinga mi a ni a. Kum 1976-77 khan Mumbai Mayor pawh a ni tawh tho bawk.
Bal Thackeray an CM atana Joshi a ruat khan sawiselna a nasa hle a, State a top post chu Brahmin in an luah a ni an ti a, mahse Bal thackeray chuan caste lam chhut lovin Joshi pawhin hna tha taka thawkin chu chuan zah a hlawhchhuah tir reng bawk tiin Raut chuan a sawi.
Joshi hian nikum khan brain haemorrhage a nei a, active politics a chawlhsan tawh sa bawk a, a bik takin kum 2022 a CM Eknath Shinde revoilt leh Sena phel hnuah phei chuan inrawlhna a nei tawh lo.
Kar kalta lawk khan Kolhalpur a thusawina a neihah Shinde chuan Uddhav Thackeray chu Shiv Sainiks te tana an nunpui hlan a bik takin Joshi te ang timualphoah a puh a. Shinde chuan Joshi chu Uddhav Thackeray an mipui hriatah stage atanga chhuk turin a ti a ni a ti.