Mizoram Legislative Assembly speaker Lalbiakzama chuan Nilaini khan Vidhan Sabha Hyderabad, telangana-ah an State Legislative Assembly speaker Gaddam Prasad Kumar hmuin an inkawm.
Speaker pahnih hian an State Assembly ve vea an kalphung an sawidun a, state puitling leh lian zawk telangana atangin Mizoram-in thurawn a mamawh thin tih Lalbiakzama hian sawiin, Mizoram leh telangana chuan thawh dunna tha zawk an neih a duh tih a sawi.
telangana Assembly speaker pawhin Mizoram inrelbawl dan fakin, Mizoram-in remna leh muanna an neih ang hi telangana state tan a awh tih a lo hrilh a. Mizoram speaker hian Gaddam Prasad Kumar hi remchang hmasa berah Mizoram tlawh turin a sawm a ni.
telangana hi bicameral system sawrkar niin, legislature (MLA 119) leh Council (MLC 40) an nei a. telangana state khawpui Hyderabad-ah hian an state pumpuia mipui zaa 50% an khawsa tih sawi a ni.
Speaker-in Telangana speaker kawm
