Sports minister hoin thukhawm
Mizoram States Sports Council (MSSC) chu nimin khan an president leh sports minister ni bawk Lalnghinglova Hmar hoin a chamber-ah MSSC buatsaih Non Residential Coaching Programme 2023-2024 thlirletin an thukhawm a, he hunah hian sports association hruaitu bakah MSSC hnuaia coach leh trainner rualan tel.
He hunah hian MSSC president chuan Mizoram sorkarin sports-ah hand holding policy an nei dawn tih sawiin, naupang sports lama ti thei zawnchhuahna tur Mizoramah coaching programme nei tura ruahmanna kalpui tum a nih thu leh ruahmam ang chuan coach-te’n khaw pakhatah ni 15 chhung coaching an pe ang a, coach kal lam leh haw lam hi coach kalna khuain an tum ang a, coach hlawh erawh sorkarin a tum dawn tih a sawi.
India ram pum huap turin National Sports Conclave ni hnih chhung awh tur ni June 13-14, 2024 chhung khian Baptist Convention Centre, Falkland-ah ngha a ni dawn a, he mi buatsaihna tur hi sorkar laipui atangin pawisa pawh hmuh tawh a ni. Hemi hunah hian India ram chhunga sports lama mi langsarte kohkhawm a ni dawn tih Lalnghinglova hian a sawi bawk.
He meeting report-a tarlan danin, sports minister chuan India-in kum 2036 khian Summer Olympics a thleng dawn niawmin a sawi a, tun atanga lo inbuatsaih a ngaih thu te, sorkar hmasain hma a lo lak tawh vangin Mizoramin sports infrastructure a neih that thu leh chu mi chhawr thei turin infiammi neih that a ngaih thu leh chutiang tur chuan coach leh trainer-te an tan hle a ngaih thu a tarlang tel.
MSSC Non Residential Coaching Programme hi naupang infiamna lama tuite’n man chawi loa an zir theihna a ni. Kum 2023-24 hian sports discipline hrang hrang pakua kalpui niin, he programme hnuaia infiamna thlan bikte chu – Table Tennis, Judo, Athletics, Basketball, Boxing, Football, Tennis, Wrestling leh Weightlifting a ni a, he’ngah hian mipa 322 leh hmeichhia 14 an vaiin 430-te’n training an bei mek a ni.
Sports minister hoin thukhawm
