Sports minister Lalnghinglova Hmar chuan nimin khan Tuirial-a Sports & Youth Services Department ram atana ruahman BSF awmna leh Tuirial Airfield hluite a hmunah kalin a enfiah.
Sports minister hi Rakesh Panwar, BSF Commandant-in lo dawngsawngin an ram luah lai hi Compensation 3.5 lakhs-in Sports Department-in tangkai zawka an hman atan an kutah hlan an tum a. He hmunah hian nakin huna rampum huap Sports Event a thlen pawha dawl zo thei turin Project siam dan turah hmalak tum a ni.
Tuirial Airfield leh a bul vela Tourism Department hmalakna-a Eco-adventure Circuit Swadesh Darshan hnuaia building sak te chu tangkai zawka hman dan tur dap ni se tiin airfield runaway protected area bulhnaia mimal ram 35 leh chenna in sa te chu dan anga chhuahtir a, Sorkar-in laklet dan ngaihtuah ni se tih a ni bawk.
Sports & Youth Services ram tur atana thlithlaiah hian BSF 38th Battalion an awm mek a. BSF awmna bik ram zau zawng hi acre 3.19 (11.23 bighas) a ni.
Sports minister-in Tuirial airfiled hmunhma enfiah
