Sri Lanka in India sangha mantu a mante hruaikir ni tawh

Sri Lanka in India sangha mantu a mante hruaikir ni tawh
Sri Lanka Navy-in an ram chhunga chetla thin Indian sangha mantu a mante chu hruaikir ni tawhin, India sorkar chuan chhanchhuah an nih tawh thu a sawi.
India sangha mantu 17 chu hruai kir an ni tawh niin India chuan a sawi a, heng mite hian tum reng vanga Sri Lanka tuipuia sangha hi man ni lovin, an hriat loh vanga kal thleng palh an nih thu a sawi.
Colombo-a India High Commission chuan zirtawpni khan, ‘In inpuiah kan lo lawm a che u. India sangha mantu 17 chu hlawhtling taka hruai kir an ni tawh a, India ram chhung Tamil Nadu panin an kal mek a ni,” a ti.
Sangha mantute chungchang hi ram pahnihte inlaichinnaah hian thil buaithlak tak a ni ve hrim hrim a, Lankan Navy-te chuan Palk Strait-a Indian sangha mantute hi an kap hial thin a ni. Sri Lanka ram chhunga dan loa lut an nih miau avangin an lawngte an man sak thin bawk a. Sri Lanka chuan India thuneitute pawhin hetiang rilru leh an tih thin dan tho hi an mi leh sate chungah an put thu leh an tih thin thu an sawi.
Tun tuma Lankan navy mi mante chungah pawh hian Sri Lanka chuan a kap ngei a, an lawngte pawh a man sak vek bawk niin India chuan a sawi.
Tamil Nadu leh Sri Lanka inkara tui zau tak, Palk Strait an tih hi ram pahniha sangha mantute tan chuan sangha manna hmun hautak tak a ni a, tum loh taka an tuipuia an inrawlh tawn palh thin avangin man an lo ni tawn fo tawh thin a ni.
Sri Lanka Navy thuneituten a tihchhuah danin, kuminah hian he thliarkara navy-in India mi an man zat chu 413 an tling tawh a, an lawng pawh 55 an lo man tawh bawk.