Vawiin, March ni 20 hian MiZBA Hall, Ramhlun Sports Complex-a Muaythai State Championship khelh mek chu a hmawr bawkna neih a ni dawn.
He inelna hi kum 17 hnuai lam tan, 7th Youth National Muaythai Championship, 2026, June ni 1 atanga ni 4 a Haldwani, Uttarakhand a neih tur atan selection a nih nghal angin fighter inlan pawh an thahnem hle.
Senior, kum 18 chunglam tan National Games 2027 lo awm tur atan State Championship hi pre-selection atana hman nghal a ni bawk a, he inelna hmachhawn lo tan hian inelna sang zawk hi hmachhawn theih a nih dawn loh avangin ngaihhlut a hlawh hle.
Fighter khel tura inziak lut hi Aizawl pawn atangin khaw pasarih – Vairengte, Kolasib, Serchhip, Kawlkulh, Lunglei, Champhai leh East Lungdar te an ni.
He inelna hi March ni 18, 2026 khan Pu K. Hrangzuala, advisor Muaythai Association of Mizoram (MAM) chuan hawnna neiin, President Pu Johny Ngurthansanga chuan fuihna thu a sawi bawk.
Fighter chhungte atangin Mizo football legend S. Malsawmtluanga chuan sawm a nih angin thu a sawi a, a fanu in he game hi a atchilh thu leh theihtawpa an tawiawm ve zel thin thu a sawi.
He inelnaah hian Aizawl khawpui chhung atangin Club 10 lai an inlan dawn bawk. Fighter hi 111 zet tun inemna ah hian an rawn inlan ang.
State Muaythai Championship zo dawn
