Mizoram hmun hrang hrangah Thawhlehni khan
Manipur-a Zo hnahthlakte thlavang hauhvin Zo hnahthlakte’n kawng an zawh a, Kanhmunah chuan Tripura leh Assam atanga kalte nen kawng an zawhho.
Zo hnahthlakte leh a ram hi sorkar hrang hrang hnuaiah, India, Myanmar leh Bangladesh sorkar hnuaiah thendarh a ni a, India hnuaia mite pawh state hrang hrangah thendarh an ni. Mamit district-a Kanhmun-ah chuan an khaw thenawm Tripura leh Assam atangin Zo hnahthlakte an tel ve.
Kanhmun hi Tripura leh Karimganj district (Assam) neka awm an ni a, an khaw bul hnai Tripura leh Karimganj district vel hi Zo hnahthlakte awmna a ni.
Kanhmun atanga thu dawn danin, kawngzawhah hian Karimganj district atang hian Young Chorei Association an tel a, an tel a, an president-in a ho. Tripura-a Damcherra khaw bul vel atangin Ranglong Youth Association an tel.
Pawl hming ni lo mimala tel an awm bawk a, Tripura atang hian Kuki, Hmar leh Vaiphei te an tel. bawk.
Kanhmun thlanga Karimganj district-ah hian Chorei, Mualthuam, Sakechep, Hrangkhawl te an awm a, khaw 11 vel an ni. Chorei hi an hnai deuh a, mi dang hi chu a thlang deuhah an awm.
Tripura bul Damcherra bul velah hian Kuki, Hmar leh Vaiphei te an awm a, Hmar-ah hian Halflong atanga raltlan an awm.
Kanhmun khaw mite sawi danin, an chhehvela Zo hnahthlakte nen hian an inhnimhnaiin an intlawhpawh tha a, state hrang ni mah se an inen hrang lo.
State pathum atangin kawng an zawh
