Thlahrang film ‘Stree 2’ chu kumina Hindi film tlangzarh zinga a hlawhtling ber pawl a ni der tawh a, cinema hall ticket hralhna atanga sum lak luh tama Dangal leh Sanju te lehpelin, Hindi film tlangzarh tawh zingah India-a sum la lut tam pasarihna a ni pha ta a, he film hian India-ah cheng vaibelchhe 500 te pawh a hmuchhuak thei dawn niin an chhut a, ramdanga a lak luh te nen chuan cheng vaibelchhe 505 a la lut tling tawh thung.
Kumin hian Indian film lar pahnih a awm a, Prabhas, Amitabh Bachchan, Deepika Padukone leh Kamal Haasan te channa Kalki 2898 AD a awm a, a original film hi Telegu a ni thung. Tunah Stree 2 a rawn chhuak leh ta a, hei hi a original Hindi a ni a, Shraddha Kapoor, Rajkumar Rao, Aparshakti Khurrana, Pankaj Tripathi leh Abhishek Banerjee te channa a ni.
Stree 2 hi Pathianni zing lamah Hindi film zinga sum la lut tam pakuana a rawn ni pha a, Thawhtanni tukah chuan Hindi film zinga India-a sum la lut tam pasarihna a ni pha ta a, cheng vaibelchhe 386.165 la lut tling tawhin, Thawhtanni hi Janmashtami niin, phai lamah chawlh an hmang an tam a, hei vang hian Thawhlehni tukah chuan vaibelchhe 400 a la lut hman tawh ngeiin a rinawm a, India-ah a elpui tur film tlangzarh thar thawm nei lian deuh a awm lo bawk a, vaibelchhe 500 te chu la lut thei turin an chhut a ni.
‘Stree 2’-in vbc 380 la lut tawh
