Super Bowl halftime show el turin TPUSA All-American Halftime Show
Turning Point USA chuan nikum October thla khan NFL official Super Bowl Halftime Show el turin show dang All-American Halftime Show buatsaih an tum thu an lo puang tawh a, tuna chuan he show-a perform turte an puang ta.
Super Bowl LX pawh February ni 8 a neih mai tur a ni tawh a, New England Patriots leh Seattle Seahawks te Levi’s Stadium, Santa Clara, California-ah an inhmachhawn dawn a, halftime-ah show ropui tak neih thin a, kumin Super Bowl Halftime Show-ah hi Bad Bunny-a’n a headline dawn a ni.
Mahse, Bad Bunny duh lo, conservative nonprofit pawl Turning Point USA chuan All-American Halftime Show an buatsaih ve dawn a, te perform tur te chu Kid Rock, Lee Brice, Brantley Gilbert le Gabby Barrett te an nih thu an puang.
TPUSA hi kristian activist, an kahhlum tak Charlie Kirk din kha niin, Charlie boral hnuah pawh TPUSA hian zuih lam an pan chuang lo a, tunah hian event lian tham leh ngaihven hlawh tak, khawvel entertainment show ropui leh entu ngah ber pawla chhal thin Super Bowl Halftime Show el turin show an buatsaih dawn a, TPUSA official social media channel X leh Rumble-ah te an livestream dawn a, hei bakah hian The Daily Wire leh Trinity Broadcasting Network ten an tichhuak bawk ang.
Super Bowl halftime show el turin TPUSA All-American Halftime Show
