Taylor Swift hla thar, animated movie Toy Story 5 film hla atan a phuah leh record “I Knew It, I Knew You” chu Billboard Global 200 chart-ah a No.1 a, he chart-a a hla No.1 kai thei pasarihna a ni a, soloist anga he chart-a No.1 kai thei hla ngah ber a nihna a sawhnget leh sawt a ni. He chart-a No.1 kai thei hla ngahah Swift hian BTS chiah a pha lo a, anni hian No.1 kai thei hla pariat an nei tawh. Billboard Global 200 chart hi September 2020 atanga an tih tan a ni.
He chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
“I Knew It, I Knew You” hian stream maktaduai 51.5 leh sales 91,000 neiin, chart No.1-ah a debut a, he chart-a animated disney film hla No.1 kai thei pahnihna a ni a, Pixar studio tan a pakhatna a ni a, Swift tan pawh a hla movie atana a record he chart-a No.1 kai thei hmasa ber a ni bawk.
Ariana Grande “Hate That I Made You Love Me” chu No.1 atangin No.2-ah a tawlh a, chart No.1 hlui Drake “Janice STFU” chu No.2 atangin No.3-ah a tawlh a, No.1 hlui bawk Michael Jackson “Billie Jean” chu No.3 atangin No.4-ah a tawlh a, No.1 hlui tho BTS “Swim” chu No.5-ah bawk a la awm.
Billboard Global 200
Top 10:
1 I Knew It, I Knew You – Taylor Swift
2 Hate That I Made You Love Me – Ariana Grande
3 Janice STFU – Drake
4 Billie Jean – Michael Jackson
5 Swim – BTS
6 Dracula – Tame Impala & JENNIE
7 Choosin’ Texas – Ella Langley
8 Beauty And A Beat – Justin Bieber Featuring Nicki Minaj
9 The Cure – Olivia Rodrigo
10 Beat It – Michael Jackson
Swift “I Knew It, I Knew You” a lar ber
