Syria-a biak ina inkhawm laiin thihchilhtuin a bomb pai a tipuak a, mi 22 vel an thi niin Syrian sorkar chanchinbuin a tar lang.
Pathiannia thil thleng hi Damascus dai, Dweil’a-a Mar Elias Church biak ina tawngtai inkhawm hman laiin a ni a. SANA chuan health ministry chhinchhiahna tar langin mi 60 vel an hliam bawk tih a puang.
Britain-a indo thlithlaitu, Syrian Observatory for Human Rights chuan a tirah mi 30 thi leh hliam an awm niin a puang thung a, a zat chiah erawh a sawi lo va. Tual chhung chanchinbute chuan naupang pawh thi zingah an tel tih an tar lang hlawm.
Tun tuma thil thleng hi Syria-a kum tam tak chhunga a thlen vawi khatna a ni a, Damascus-ah rorelna fawng chelh mek, Islamist-ten sakhaw zuitu tlem zawk laka tlaktlum tuma an beih lai meka thleng a ni.
Thihchilh bomb tihpuah hi Thawhtanni chawhma thleng khan eng pawl mahin an tihah an la chhal lo va; mahse, Syrian interior ministry chuan biak inah hian Islamic State pawla kal na zual lutin silai a hmeh puah hnuah a kawr haka a tihbeh puak thei chu a tipuak zui niin thil thleng hmututen an sawi tih a puang.
Thil thleng hmutu zinga mi pakhat chuan The Associated Press hnenah biak in bula lirtheia a tlan laiin bomb tipuaktu hi mi dang pahnihin an kalpui lai a hmutih a sawi.
“Biak in chu a kap a, a chhungah lutin a puak zui ta a ni,” a ti.
Syrian Information Minister Hamza Mostafa chuan beihna hi a dem thu a sawi a, mi firfiakte tih niin a sawi a. “Dawihzep taka vantlang beihna hian min tipumkhat tlat a ni,” tiin X-ah a tar lang.
“Khua leh tuite intluktlanna tura kan beihna kawngah kan chauh phah dawn lo va, sorkar hi hetiang mi sual pawl chhu chimita khawtlang hi an beihna laka a himna turin ke kan pen zel ang,” a ti bawk.
Bomb a puah hnuah hian venhim hna thawktu leh a hre hmasate an tlan khawm nghal a. A dam chhuakte chu an chiai hle a, SANA-in thlalak a tihchhuahah chuan biak in hi hnawk nuaihin a lang a, thisente pawh hmuh tur a awm.
Syrian biak ina thihchilh bomb tihpuahah mi 22 thi
