Kumin September 9-a Siaha District Jail atanga tlanchhuak Vanrampana (24) s/o K Sanga, Meisatla, Siaha chu September 15 khan Central Jail Aizawla a thianpa tang mek kan a tumna lamah man a ni.
Thudawn danin, Vanrampana hian Zirtawpni chawhnu dar 2.00 vel khan Central Jail-a a thianpa tang kan tum hian a kal a, jailor-ten an rinhlelh avangin Siaha District Jail hotute an bia a, tang tlanchhuak, an zawn lai mek a ni tih finfiah a ni ta a. Zonuam Police Station kutah hlan a ni.
Kar kalta Inrinni khan Vanrampana hi Siaha District Jail-a security wall tha lo siam mek atangin a tlanchhuak a, jail duty-ten dan tum mah se, an dang hneh lo nia sawi a ni. Amah hi rukruk thubuai avanga man, a thubuai court-a ngaihtuah lai mek a ni.
Tang tlanchhuak man
