Taylor Swift “I Knew It…” a la No.1 Olivia Rodrigo-i’n top 10-ah hla 4 a nei

Toy Story 5 film atana Taylor Swift hla record “I Knew It, I Knew You” chu Billboard Hot 100 (US singles) chart-ah a No.1 a, he chart-ah a zawnin kar hnih a No.1 ta. Swift hian he chart-a No.1 kai thei hla 15 nei tling tawhin, The Beatles (20) leh Mariah Carey (19) te chiah Hot 100-a No.1 kai thei hla ngahah a pha lo a, pathumna a ni. Hetihrual hian Olivia Rodrigo pawhin chart top 10-a hla pali neiin, heng hla pali te hi a No.1 album “You Seem Pretty Sad for a Girl so in Love” a hlate an ni.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni a, heng atana data te hi Billboard hian independent data provider Luminate data an hmang thin.
“I Knew It, I Knew You” hian kar khat chhungin US-ah stream maktaduai 18.7 nei lehin, radio aiplay ngaithlatu pawh maktaduai 40.1 a la nei a, sales 1,83,000 a la tling thei bawk a, hei hi a kar hnih nan chart-ah a No.1 pui leh ta a ni.
Chart No.1 hlui Ella Langley “Choosin’ Texas” chu No.2-ah bawk a la awm a, a hla dang “Be Her” chu No.4 atangin No.5-ah a tawlh ta bawk.
Olivia Rodrigo album thar “You Seem Pretty Sad for a Girl So in Love” a hla 13 awm te chu chart top 30-ah an lang vek a, chung zinga hla pali chu top 10-ah an lang nghe nghe.
Olivia Rodrigo “Stupid Song” chu stream maktaduai 28.4, radio airplay ngaithlatu maktaduai 1.4 leh sales 2,000 tlingin No.3 a ni a, a hla dang he chart-a No.1 pawh lo ni tawh ‘Drop Dead’ chuan stream maktaduai 20.3, radio airplay ngaithlatu maktaduai 30.3 leh sales 9,000 nei lehin No.13 atangin No.13 atangin No.4 a kai thar leh ta a, “The Cure” pawhin stream maktaduai 21.6 nei lehin No.17 atangin No.6 a kai leh ta a, “Honeybee” pawhin stream maktaduai 18.5 neiin No.9-ah a debut bawk. Rodrigo hian Hot 100 top 10-a a kai thei hla 10 a nei tling ta a ni.
Chart No.1 hlui Drake “Janice STFU” chu No.3 atangin No.7-ah a tawlh a, chart No.1 hlui bawk Ariana Grande “Hate That I Made You Love Me” chu No.5 atangin No.8-ah a tawlh a, No.2 pawh lo ni tawh Olivia Dean “Man I Need” chu top 10 khartu niin, No.7 atangin No.10-ah a tawlh ta bawk.