Tun nipui chhunga Taylor Swift-in Eras Tour a neih laia security guard, Taylor-i venhimna thawktu chu Hamas bei let turin Israel-ah a haw a, Israel sipai, Isreal Defense Force (IDF) a zawm ve nghal.
He security guard, a hming thup hian Israeli journalist Eran Swisa nen an inkawmnaah, “US-ah nun nuam takin ka khawsa a. Hna pawh duhthusam a tha ka thawk a, nuam pawh ka ti, thian tha tak tak, chhungkua ang maia ka en theih te ka nei a, chenna tur in nuam tak ka nei bawk. Hetah hian rawn kir leh kher hi ka tan a tul lo…Mahse, ka chipui te an chenna inah rawng taka an thah a, an hal hlum te ka hmuh hian ka awm mai mai thei lo a ni! Israeli emaw Juda emaw an nih vang ringawta hetiang an tuar hi lo thlir ringawttuah ka tang thei lo,” a ti a, “History-ah a dik lo lamah i lang ang e! Ngawi renga a sir atanga lo thlir ringawttu ni bik suh…Israel tan ding la, mihringte thatna atan ding rawh,” a ti bawk.
Taylor Swift security guard-ah IDF zawm turin Israel-ah a haw
