US-a Taylor Swift-i’n Eras Tour a neih chu zoin, ram dangah a feh chhuak leh tan tawh a, hetihlai hian US-a Eras Tour a neihna hrang hrang, concert film chu cinema hall-ah an chhuah dawn a, October ni 13 atangin cinema hall hrang hrangah an chhuah tan dawn a, cinema hall ticket man hi puitling tan dollar 19.89 a ni ang a, naupang ran dollar 13.13 a ni ve thung dawn a, ticket pawh hi an hralh chhuak tan nghal der tawh a ni.
Taylor Swift hian he film trailer pawh hi social media-ah a tichhuak tawh a, “Eras Tour hi ka nuna ka thil tawn tawh zinga awmzia nei ber pawl niin, tawnhriat duhawm tak tak ka nei a, big screen-ah a rawn chhuak thuai dawn tih pawh hlim takin ka rawn hriattir thei ta che u. October ni 13 atangin North America-ah concert film cinema hall-ah an chhuah tan ang!” a ti.
He concert film hi Sam Wrench direct niin, a trailer second 80 leka thui a tihchhuahah chuan Swift on-stage costume hrang hrang te pawh a lang a, a film hi darkar hnih leh minute 45 a sei a ni ang.
Taylor Swift : The Eras Tour concert film
