TCS London Marathon-a record an siam
Marathon chu km 42 a thui tlan a nia, TCS London Marathon-ah mi 59,830 a tawp thlengin an tlan chhuak thei a, marathon a tlanchhuak thei tam ber record an siam. A hmaa hetiang record chu New York Marathon-a an siam niin, mi 59,226 an tlanchhuak ve thung.
TCS London Marathon-ah hian record an siam nual a, Sebastian Sawe leh Jomif Kejelcha te chuan darkar hnih tling lohah an tlanchhuak hman a, official race condition-a marathon pakhata darkar hnih tling lo a marathon tlanchhuak thei pahnih an awmna hmasa ber an ni a, he marathon-ah hian hmeichhe pathum chu darkar hnih leh minute 16 chhungin an tlanchhuak thei bawk a, anni pawhin marathon tum khata darkar hnih leh minute 16 hnuailam hmeichhe tlan thleng tam ber record an siam bawk.
TCS Marathon-ah hian Sabastian Sawe chu a tawp thleng hmasa ber niin, darkar 1:59:30-ah a thleng hman a, kawvela marathon tlanchhuak rang ber record a ni, a hmaa record chu Eliud Kipchonge siam niin, darkar 1:59:40-ah a tlanchhuak hman.
TCS London Marathon-a record an siam
