Iran supreme leader Ali Khamenei chuan Israel in an rama beihpui a thlakna chu ngawihbopui thiang lo a nih thu sawiin, phuba lak ngei an tum thu a sawi.
President Masoud Pezeshkian chuan sipai pali lai nunna chan phahna, Israel in an rawn beihna ni bawk chu an ngawihbopui dawn loh thu sawi zuiin, chhan letna dik tak an pek dawn thu a sawi bawk a, Tehran chuan indona a zawn ngai loh thu a sawi zui bawk.
Israel chuan Iran in an beihna phuba lakna atan zirtawpni khan Iran ram hmun hrang hrangah sipai hmunte a beih thu a sawi a, hetah hian Iran sipai thenkhatin nunna an chan phah a ni. Hei hi October ni 1 a Israel lam hawia Iran in missile 200 chuang a kah vang nia sawi a ni.
Israel hian an thenawm ramte atangin beihna an tawk mek reng a, theihtawpin invenna hnathawkin, an bei let nasa hle bawk. Khulai bial buaina khu a la tawp mai dawn lo niin a lang bawk a ni.
Tehran in chhanlet ngei a tiam
