Sawrkar laipuia Department of Justice leh CSC e-Governance Services India Ltd tangdun chuan India ram kum 75 mahnia inrelbawl thei a nih lawmna kalzelah Tele-Law State Level Workshop cum Mela chu Zirtawpni khan Aizawlah neih a ni.
Hun hmanpuitu Law & Judicial secretary Helen Dawngliani chuan tele law service tha a tih thu leh mipui tana a tangkai zia a sawi a. Court-a thubuai pending tam em em kara thubuai court-a thlen hmaa chinfel theihna tha tak, technology thang zel hmang tangkaia platform-a awm hi mipui pawhin hmang tangkai zel turin a chah.
Tele Law Project hi Department of Justice Project niin delivery point-ah CSC e-Governance Service hman an ni a. Mizoramah chuan kum 2017 atangin tun thlengin case 17161 chuang register tawh niin, heta tang hian panel lawyer-ten case 16941 ah thurawn an pe tawh a, district zawng zawngah CSC kaltlangin dan lama hriat duh neiten a thlawnin Mizo tawng ngeiin ukil thurawn an la thei a ni.
Tele-law chungchang zir
