Ayodhya-a Ram Mandir chu ‘la zawh fel loh’ tia sawiin Congress-te chuan an leader te chuan January 22-a Lord Ram idol hlan thianghlimna neih turah an tel loh tur thu sawiin Ram Mandir hawn chu inthlana chak hisap phah nana hawng tiin an sawi.
Thuchhuah siamah Congress te chuan Ayodhya-a temple chu Bharatiya Janata Party (BJP) leh Rashtriya Swayamsevak Sangh (RSS) ‘political project’ tiin an sawi bawk a.
Gujarat-a senior Congress leader Arjun Modhwadia erawhin ngaihdan dang neiin Lord Ram chu rinna chungchang a ni a, party chuan politics thila ngaihdan neihna chi a ni lo a ti thung.
Rajya Sabha-a Leader of Opposition leh Congress president Mallikarjun Kharge, chairperson of Congress Parliamentary Party Sonia Gandhi, Lok Sabha-a party leader Adhir Ranjan Chowdhury te chu temple pran pratistha (consecration ceremony)-ah hian Shri Ram Janmabhoomi Teerth Kshetra Trust te chuan tel turin an sawm a ni.
‘Electoral gain’
“Lord Ram hi kan ramah mi maktaduai tel tena an pathian biak a ni. Sakhuana hi mimal thil a ni a. Mahse, RSS/BJP te chuan tun hma atang tawhin Ayodhya temple chu political project ah an hmang a. Temple la sakzawh loh hawn hi BJP leh RSS leader tena inthlana chak nana hman theih nana an sawn hma a ni,” tiin Congress communications chief Jairam Ramesh chuan a sawi.
“Kum 2019 Supreme Court judgement zawmin leh Lord Ram betu mi maktaduai telte rilru zah tak chungin Shri Mallikarjun Kharge, Smt. Sonia Gandhi leh Shri Adhir Ranjan Chowdhury te chuan zah tak chungin RSS/BJP event a sawmna an hnawl a ni,” tiin Ramesh chuan a sawi.
BJP ten bei let
Congress thutlukna siam chungchangah Union Minister for Information and Broadcasting Anurag Thakur chuan Congress te chu Lord Ram kalh zawng hlira che ah a puh a.
“Hei hi Congress ngai tho Shri Ram imaginary affidavit petute kha an ni a. Congress ngai tho a hmun ngaiah Babri Masjid kan sa leh ang tia tiam tute kha an ni. Congress ngai tho Ramlal’s temple sak a nih loh nana lawyer rual ruaitute tho an ni,” tiin Thakur chuan a sawi.
Ngaihdan inang lo
Congress chhungah pawh ngaihdan a inang lo hle a. Party member thenkhatte chuan a hawnna neihah tel an duh a. Senior leader thenkhat thung chuan ‘Opposition party lian ber tel duh lo chuan BJP tena anti-Hindu tia min puha electorate te vote an tihdarh a hlauhawm’ an ti.
Gujarat Assembly a leader of Opposition hlui Modhvadia chuan party leadership te thutlukna chu a duh loh thu a sawi a. “Lord Shri Ram hi kan pathian biak a ni. Hei hi chu rinna leh he ram rinna thil a ni a. Hetiang thilah INC India chuan thutlukna a siam tur a ni lo,” tiin a sawi.
Uttar Pradesh-a Congress unit leader chuan January 15-ah Ayodhya-ah Makar Sankranti neih turah Saryu river ah inhnim phum tura a kal tur thu leh chumi hnuah Ram temple leh Hanumangarhi temple te a tlawh tur thu a sawi zui bawk.
Thawhtanni khan Himachal Pradesh-a Congress leader leh Minister of Public Works Department ni a, Chief Minister hlui Virbhadra Singh fapa ni bawk chuan temple hawnna neiah a kal tur thu a sawi a. “Ka pa kha Ram Tmeple movement thlawp tlattu a ni a. Kan tan chuan political issue a ni lo va, sakhuana thil a ni. Hindu kan ni a, kan sakhua hma lam pantir zel kan duh a, kan culture leh tradition-ah te rinna nghatin hmasawntir zel kan tum,” tiin Singh chuan a sawi.
High-level consultation
Ram Tmeple hawnnaa tel tura sawmna ngaihtuah hi Congress top leadership tan chuan politics thil taka sensitive tak mai niin high-level a ngaihtuah a ni bawk. Kharge leh Sonia Gandhi tena sawmna an dawn hnuah party dinna tur ngaihtuahin top leader ten inhmuhkhawmna an nei nghal a.
Kharge leh Sonia Gandhi bakah senior Congress leader dang P. Chidambaram, Ambika Soni, K.C. Venugopal, Jairam Ramesh, Digvijaya Singh leh Randeep Surjewala te pawh rawn tel an ni bawk a.
“Shri Ram Janmabhoomi Teerth Kshetra Trust hi tu party ta mah a ni lo. Eng nge a hawnna a tel kalhna awm? Soniaji pawh a positive hle a. A kal lo a nih pawhin kan aiawh an kal ang” tiin Digvijaya Singh chuan a hmain a lo sawi tawh bawk. Mahse, sawmna hi midang hlanchhawn theih a nih loh avangin sawma te an kal lo a nih chuan aiawh tirh theih a ni l