Police te sawi danin Thane district, Maharashtra-ah mimal bus chesualin mi 10-in hliam an tuar a, heng khualzin te hi Maharashtra Chief Minister Eknath Shinde-an Dussehra puala punkhawm a huaihawtna a kal te phurh let lehnaa chuang te an ni.
He vanduaina hi zing lam dar 12:30 vela thleng niin Mumbai – Nashik kawngpui Shahapur bula Kolambe lei an tih maiah a ni a. Truck lo tlan chuan bus chu rawn su-in bus dang lo tlanin truck chu rawn su ve lehin a letling zawngin a inher bawih thei a ni.
Thuneitute chuan mi 10 vel inhliam an awm thu leh heng zinga pahnih te chu an ngaihtuahawm hle thu an sawi. Police te chuan motor khai chhuahna hmangin bus chu an khaia kawng an thenfai tawh thu an sawi a ni.
Thane rural police control room atanga thu dawn danin bus hmasa zawk hi Dussehra puala punkhawm CM Shinde-an a buatsaih hmanga kal te niin mi 20 vel a phur ni a sawi a ni. Police chuan bus hian Nashik district-a Sillod khua pan tur niin a sawi. Thane police rural control room atanga thu dawn danin he chetsualnaa hliam tuarte hi chet sualna hmuna sorkar enkawl hospital-ah te enkawl tura lak an nih thu an sawi a ni.
Shinde hian thawhlehni khan Shiv Sena party huaihawt Dussehra puala punkhawmna hmun Mumbai-a Azad Maidan-a mipui pungkhawm te hmaah thusawina a nei a. A elpui ber leh Shiv Sena (UBT) chief Uddhav Thackeray chuan party punkhawm hi Shivaji Park ah a huaihawt ve thung a ni.
Thane, Maharashtra-ah Bus Accident
