Thangtharte’n lemziak ngaihlu telh telh

Khawvel inher velah thangtharte’n lemziak an uar telh telh a, a thiam lote pawhin an ngaihlu tiin a sawi theih ang.
An seilennain a zir a, a hma deuh khan TV vangin lemziak an ngaihlu tiin an sawi thin a, internet vangin tunah an ngaihlu tiin a sawi theih ang. Thlalak lamah leh lemziak lamah thangthar mit a keu tia sawi thin a ni.
“|hangthar hian art hi an ngaihlu a, an mit a fing bawk a, a ziak thiam lo pawhin an ngaihlu a, artist-te tan pawh tan a ngai,” lemziak thiam pakhat chuan a ti.
Mizoram Art Development Society (MADS) leh I&PR department tang dunin Treasury Square-a Lianchhiari Run-ah Art Exhibition an buatsaih mek a, lemziak thiamte kutchhuak 100 vel an pho chhuak. |hangthar kutchhuak pawh a awm nual a, he Exhibition hi thangtharin an ngaihlu.
|um dangah pawh lemziak pho chhuah entuah thangthar an thahnem thin a, thalai, tleirawl leh sikul naupang an thahnem thin.
“|hangtharah ziak thiam tak tak an awm a, zir chhuak an pung a, degree nei pawh an pung. Heti lama inhmang lem lote pawhin art hi an hre thuk telh telh a, lemziak mite tan pawh tan sauh sauh a ngai,” lemziak mi pakhat chuan a ti.
Art Exhibition neih mekah hian lemziak thiam 58 kutchhuak a awm a, a tlawm pawl Rs 2500 man te a nih laiin a to ber chu Rs 250000 man a ni.