ZPM chu district tinah an thawm a leh hle laiin, an party mi pawimawh zingah chhuahsantu an ngah hle lawi niin MNF treasurer K Vanlalauva chuan a sawi.
Bualpui khuaa MNF Tuirial West Block political training neih a hmanpuinaah K Vanlalauva chuan ZPM chu district tinah an thawm a len hle rualin an mi leh sa, mi pawimawh tak takten an bansan chur chur tih sawiin, an kal dan phung a dik loh vang tih a sawi.
Tuna ZPM leader Pu Lalduhoma chuan MNF founder president Pu Laldenga a boral laia a thusawiah, Pu Laldenga anga leader tha Mizo zingah an awm lo, tih a sawi thu a sawi chhawng a. Pu Lalduhoma hian MNF a zawm ve laiin, thusawi mi a nih avanga nihna hran pek kher tum a nih loh laiin, reilote a awm hnu ah general secretary nihna pek chu hmang thiam loin, High Command engemawzat a lo thunun hman a. MLA candidate turin mi tam tak a lo tiam tih MNF treasurer hian a sawi. “MNF dik tak chuan khatiang thil tenawm kha kan ti ve ngailo,” a ti.
Thawm lian siin bansantu an ngah – MNF treasurer
