The Weeknd chu Canadian artist zinga RIAA diamond certified singles nei thei hmasa ber a ni. The Weeknd la ‘Save Your Tears’ leh ‘Die For You’ te chuan he mellung pawimawh hi an kai thar ve leh ta a ni. Te Weeknd hi Canadian chauh ni lo zingah pawh diamond certified hla pasarih nei thei zaithiam palina a ni.
Recording Industry Association of America (RIAA) diamond certified singles tih chuan USA-a hla maktaduai 10 chin hralh theih tihna a ni a, The Weeknd hian US-a hla maktaduai 10 chin hralh theih pasarih a nei tling ta a ni. Hetihrual hian Madonna leh Playboi Carti a thawhpuina hla ‘Popular’ pawhin RIAA platinum certification a nei ve leh ta bawk a, RIAA platinum hi chu US-a hla maktaduai khat hralh tlin theih chhinchhiahna a ni ve thung.
‘Popular’ hi June ni 2, 2023-a a tlangzarh chauh kha a la ni a, The Idol, Vol.1 soundtrack album atanga single a ni. He soundtrack hi HBO drama series ‘The Idol’ atana an tih a ni nain, a album hi an la thul khung leh ta rih. Popular hi a music video pawh kumin February khan an tichhuak chauh a ni.
The Weeknd, a hming tak Abel Tesfaye hian BLACKPINK member Jennie leh Lily-Rose Depp te a thawhpuina ‘One of the Girls’ hla pawh RIAA platinum a kaipui tawh a, he hla hi Jennie leh Depp te tan RIAA platinum certified la an neih hmasak ber a, Jennie hi K-pop hmeichhe solo artist zinga RIAA platinum single nei thei hmasa ber a ni ta bawk a ni.
The Weeknd-a’n Diamond certified singles 7 a nei ta
