Thil phut neiin bank khar
Central Trade Union-in sawrkar laipuiin ‘Labour Code’ pali a siam dodalin nimin – July 9 khan India ram pumah lungawi lohna a huaihawt a. Hei hi Regional Rural Bank (RRB) ho chuan thlawpin RRB thil phut dang nen la kawpin RRB hnuai ami Mizoram Rural Bank chuan bank an khar.
Joint Council of Mizoram Rural Bank Union bultumin MRB Head office MINECO ah thil phut neiin an pungkhawm a, thu sawi a nih bakah an au rual a ni.
RRB thil phut hi – Initial Public Offerings (IPO) kalpui tum hnuhdawh an duh a, RRB privatise tumna an duh lo. India ram state 28-a RRB chu apex body – National Rural Bank of India hnuaia dahkhawm; RRB-a hnaruak hnawhkhah a, SC/ST, OBC, hmeichhia, Persons with Disability leh ex servicemen tan kawng hawng zau zawnga thalai tan hna 30000 chuang siamsak; Supreme Court hriattir angin RRB-a casual/part time leh daily-a thawkte dahngheh; Old Pension Scheme kalpui leh, tihte a a ni.
Thil phut neiin bank khar
