Thil thing chhuan lum chi hauh loh, kan chhuan luma kan ei avang cancer risk tisang thei a awm a nia. Kan zanriah ei bang emaw, kan tukthuan ei bang emaw, tih lum a ei nawn leh miah loh chi a awm, chutiang chu kan chhuan lum (microwave pawhin a ni tho) khan compound thenkhat, kan hriselna atana pawithei, cancer pawh thlen thei a lo awm tawh thin. Chutiang, thil thing chhuan lum loh chi ni a Times of India-in an tarlan te kan rawn chhuah chhawng e.
1. Chawthing: Chaw (buh) thing, room temperature a a awm rei tawh chuan chhuan lum pawha thi ve mai thei lo bacteria a lo awm hman tawh thin. Microwave pawhin, a toxin (thil tha lo) chu a bo phah tawh chuang lo. Vawi hnih khat chawthing chhuan lum ei chuan pawina em em a nei lo mai thei a, mahse, ei thanah kan nei a nih chuan pumin a la tuar ngei dawn a ni.
2. Spinach: Spinach hi chaw hrisel tak tih kan hre vek ang, mahse, a thing chhuan lum erawh ei loh tawp chi. Spinach thing chhuan lumah chuan amaha nitrates awmsa chu nitrosamines-ah a insiam a, chu chu cancer risk tisangtu compound a ni. Spinach ang bawkin nitrate pai tam kale/celery te pawh a ni tho
3. Pa: Pa (mushroom) thing-ah hian bacteria a lo tam hman thin a, kan chhuanlum sek hian amaha antioxidant awm chu a tlahniam telh telh a, protein a tibuai thei bawk.
4. Alu: Alu thingah hian bacteria a tam duh hle a, tihlumin chung bacteria chu an thi thei tak tak tawh chuang lo. Alu kan tih lum nawn hian a starch a tidanglam a, pum tan paitawih a harsa sawt thin.
Thil thing chhuan luma ei loh turte
