Mizoram State AIDS Control Society (MSACS) leh Association for Voluntary Blood Donation (AVBD) chuan Thawhlehni khan Kolasibah ‘Training of Blood Donor Motivators’ an buatsaih.
Thisen pek chungchang zirhonaah hian Kolasib district-a kohhran pawl hrang hrang thalai pawl leh tlawmngai pawl hruaitute an tel a. AVBD president C Lalnunnema, Kolasib Blood Centre medical officer Dr Janet Zoremnghaki, MSACS assistant director pahnih – F Lalmuanpuii leh Lalhmingliani Pachuau ten a thlawna thisen pek chungchang leh a kaihhnawih thil pawimawh an zirtir a; zawhna awmte chhan niin, sawi ho a ni bawk.
Zirhonaah hian Mizoram chu India ramah a thlawna thisen pekah state titha parukna a nih thu sawi a ni a. Sawrkar kum liamta, 2022- 2023 chhung khan Mizoramah thisen unit 37419 pek niin, heng zinga unit 34252 chu pek bik nei loa a thlawna pek a ni a, voluntary donation hi 91.54% a ni tih sawi a ni.
Thisen pek lamah pawl aiawh sawipui
