Thlawhna service-ah harsatna
awm avangin rel ruahman belh
Tunhnaiah India ram hmun dang leh Mizoram tela thlawhna service Indigo lamah engemaw khaihlak a awm avangin Northeast Frontier Railway chuan khualzin tam zawkin Sairang (Aizawl) leh a tlawhpawh India ram hmundanga hasatna awm loa an zin theihnan ruahmanna thar an siam tih an sawi.
NEF Railway hotute sawi danin, December 6 & 7 khan rel pindan an tih belh tawh bakah Sairang to Delhi Rajdhani Express pawh December 12 hian Sairang leh Anand Vihar rel station atanga chhuak tur rel pindan an tih belh a. December 12 vek hian Sairang atanga Guwahati pan bik chauh special train an tih belh bawk.
Hetihlai hian Dimapur atanga Sairang (Aizawl) pan duh tan pawh December 11 hian an ruahman belh tih an sawi a. A dinna tur hi Diphu, Lumding, New Haflong, Badarpur, Hailakandi, Lal Bazar leh Jamira a ni ang.
NEF Railway hotute chuan a tul angin ruahmanna hi siam belh zel an tum tih an sawi a. Thlasik laiin Mizoram telin India hmarchhakah khualzin an pun belh dawn avangin rel pindan tih belh bakah a tlan hun siam thar pawh an nei chho zel dawn tih an sawi a ni.
Thlawhna service-ah harsatna awm avangin rel ruahman belh
