Tunhnaia thli leh ruah thawka tuartute chu state sawrkarin a theih ang angin a tanpui a, a tanpui dawn tih Disaster Management & Rehabilitation minister K Sapdanga chuan a sawi.
Hemi chungchangah hian K Sapdanga chuan chief minister Pu Lalduhoma pawhin khuarel chhiatna thil a nih avangin Election Commission of India hnenah harsatna hi a thlen a, model code of conduct huam lai ni mah se, a theih ang angin tanpui ngaite puih an ni tih a sawi. MLA-te chu anmahni bialah chhiatna tuarte tuamhlawmin an theih ang angin an feh chhuak a, election thuneitu lam pawhin an hrethiam tih a sawi a ni.
Thli leh ruahin Mizorama chhiatna hrang hrang a thlen chu pawi a tiin, vanduaina tawkte a tawrhpui tih a sawi a. A theih anga hma la turin sawrkar a inpeih a, State Disaster Relief Fund a awm tih sawiin, sawrkarin a tih tur leh tih theih chin, danin a phal ang chin tih a ni dawn tih a sawi a ni.
Thli thawk tuartute pui dawn
