The Aizawl Post Hoops Mania chuan Mizoram Super League (MSL) 12 club bihchianna neih chhunzawmin, Dawrpui Hotshots BC ang bawka thianho in an buaipui Ramthar Vanguard BC lam kan hawi chhunzawm e.
Anni hi an kum 10 club dincham hmang mek an ni a, tualchhung basketball titi tingaihnawm zual tur zinga mi an ni.
Mizoram Basketball Association (MBBA) hnuaia MSL club te tun season hi an inhnehtawk tlan ber kum a nih a rinawm. Kai sang (promote) thar Vanguard BC hi kum 2016 daih a din tawh, insawhnghet fe an ni.
ADBBA hnuaiah kum 2017 ah khan Division 1 niin, MSL khelh tuma inbuatsaihna lo kalpui daih tawh hian a tak ram kum 9 hnuah an pal darh ve dawn ta!
|hianho intelkhawm khan MSL lam hawia veng behchhan neih an tumna kawngah thalaite zei zia hria Ramthar LC/YMA te nen tum thuhmun neiin, hei an thawkho dawn ta reng mai.
Ramthar veng tan lah player leh club official an veng mi an therfur a, phur taka ‘Ramthar’ tih ri infiamna khawvela ri rum rum tur hi nghahhlelhawm tak a ni.
He khawtlang hian Zofate bengah ‘Lalpan thil ropui tak min tih sak e’ tih kha Football khelmualah an lo sa thup thup tawh; MSL inelna tualah chhunzawm zui thei tak maw?
Hoops Mania Timeout
Tualchhung basketball chevel chhehvel thlir hian basketball academy kalpui vengin tunhnaiah hian Mizo naupang baller tha an hring chhuak malh malh a, MSL club inghahna veng lamte hian naupang chher kawngah tan han la sauh sauh teh se.
Ramthar Vanguard BC
Players:
1. K. Lalrinchhana – Saron veng
2. Lalnunkima – Zarkawt
3. R. Lalpekhlua – Ramthar Veng
4. Ngurchungnunga – Chanmari West
5. Lalrinhlua – Dawrpui
6. Lalhmangaihsanga – Luangmual
7. Zorempuia – Bungkawn
8. JH Lalduhawma – Ramthar veng
9. Lallawmpuia – Tuikhuahtlang
10. Kennedy C. Lalchhuanmawia – Zarkawt
11. Kevin Laltanpuia Fanai – Falkland
12. Stalin Thangminlun – Chanmari
13. H. Lalrinsanga – Nursery
14. Lalremsanga Tochhawng – Ramthar veng
15. Lalruatdika – Laipuitlang
Coaching Staff:
Manager: Bruno Lalrinchhana Ramthar veng
Asst. manager: Kalvaritlangmawia Zarkawt
Coach : Lalremruata Tuikual South
Asst coach : Lalrinfela Tuikhuahtlang