Thuneihna chan rualin Zu khapna hlih tum

Jan Suraj chief Prashant Kishor chuan thunei tura thlantlina n nih rualin Bihar ah zu khapna a tihtawp tur thu a sawi.
Kishor chuan ANI tena an kawmnaah, “Inpuahchah zui bleh tulna a awm lo. Tun hnai kum hnih chhungin kan inpuahchah tawh a. Jan Suraj sorkar a piang a nih chuan darkar khat chhungin zu khapna tihtawp nghal a ni ang” tiin a sawi.
Rashtriya Janata Dal (RJD) leader Tejashwi Yadav an yatra a neih chungchang zawhna pawh, “Duhsakna ka hlan e. A loh berah chenna in chhuahsanin mipui nawlpui te bulah a awm ve ta a lawm” a ti bawk a.
Tejashwi Yadav an Nitish Kumar an BJP kaihhruai National Democratic Alliance (NDA) a zawmsan chungchangah kutsuih meuha ngaihdam a dil thu a sawi a tih avanga RJD leh Chief Minister Nitish Kumar te inkara tawngkama inbeihna thleng chungchangah Kishor chuan an pahnihin Bihar pawi an khawih ve ve a ti thung a.
“He thil hi chu Nitish Kumar leh Tejashwi Yadav te inkar a ni a, a tu emaw zawk zawk pawhin kut suih meuhin ngaihdm an dil emaw dilo lo emaw an pahnih hian Bihar an tichhe ve ve. An pahnih hian kum 30 chhung Bihar mipui tena an hriatpui tawh an ni a, an pahnih hian Bihar chhuahsan turin kan ngen a ni” tiin Prashant Kishor chuan a sawi bawk a.
A hma pawhin kishor chuan Bihar Deputy Chied Minister hlui Tejashwi chu nataka bei tawhin State development kalpui tura a theihnaah rintawkna a nei lo a ti bawk a. Bhojpur, Bihar a punkhawmnaah Kishor chua, “Mi thenkhat chuan sum harsatna avangin lehkha an zir thei lo va, chung chu a hriatthiamawm a ni. Mahse, mi tu emaw nu leh pa chu Chief Minister an ni a, pawl 10 pawh pass thei lo a nih chuan zirna lama a rilru puthmang a langchhuak a ni” a ti a.
Tejashwi Yadav educational background sawiselin Kishor chuan, “Pawl 9 pawh zirchhuak lovin Bihar development kalkawng min kawhhmuh a tum a nia. Yejashwi Yadav chuan GDP leh GDP growth danglamna pawh a hre lo chungin Bihar hmasawn theihna tur hriaah a insawi a nia” ati bawk.
Kishor chuan Tejashwi Yadav credential ah zawhna neiin Bihar Chief Minister hlui Lalu Yadav fapa a nihna leh family thil avanga RJD a an thu em avangin leadership neiah a inchhal ringawt a ti bawk a. Tejashwi Yadav chuan Lalu Yadav fapa a nihna piahlama laktlaka a inlan theih nan chuan hmasawna a chetdan hmanga a lantira a thawhrim a ngai a ti bawk.