Thuthar thehdarhtute intuaithar
Mizo Language Development Board bultumin Information & Public Relations, Printing & Stationary department chuan Thawhtanni khan Aizawla thuthar thehdarhtute tan an intuaitharna hun a buatsaih a. Tunlai thiamna hmanga thuthar lak khawm dan leh Mizo tawng ziah dan zirho a ni.
Hmanpuitu I&PRPS minister Dr Vanlalthlana chuan, thuthar thehdarhtute leh sawrkar chu inzawm tlat an nih avangin an tana intuaitharna tur buatsaih a ni chu lawmawm a tih thu a sawi a. Mipui tana thuthar an lak khawmnaah a chinchhuaka chhui a, awn lam nei loa chik taka thu chhuah thin turin a chah.
Mipui hnena thudik tak thlen kawngah leh tawnghmang dik leh ziah dan dik zirtir kawngah mawhphurhna an nei tih inhrereng turin a chah bawk.
Workshop-ah hian mithiamte hnen atangin thupui thlan bik hmangin hmanlaia media kalphung leh tunlaia media kal dan ni taa insiamrem leh hman tangkai dan bakah Mizo tawng ziak leh hman dan dik chungchang inhrilh a ni a, sawiho zui a ni.
Thuthar thehdarhtute intuaithar
