Mizoram Thalai Kristian Pawl chuan 2024 TKP Day thupui atan “I Pathian tawk turin inpeih rawh” (Amosa 4:12) tih a thlang. TKP Ramthim Ni thupui atan “Krista hmangaihna chuan min tir lui a ni” (II Kor 5:13-15) tih a thlang bawk.
MTKP Executive Committee thukhawm chuan heng hi a rel a. Hmun hrang hranga TKP-in kumtin MTKP atanga thupui thlan sa hmangin TKP Ramthim Ni leh TKP Day hi an hmang thin a, inkhawm thawhlawm pawh MTKP-ah unit tinte hian an thehlut thin a ni.
MTKP Inkhawmpui dawltu tanpuina, Youth Centre pual fehchhuahna leh raltlan tanpuina puala vawikhat inkhawm thawhlawm pek tur la pe lo bial tam zawk an la awm thu report a ni. 2028 MTKP Inkhawmpui dawltu tur, kumin October 19-22 chhunga National Baptist Youth Conference 2023 neih tur, Mizoramah rorelna dik a awm theihna’na hmalak zel dan tur, tih te pawh thurel zingah a tel.
TKP Day thupui thlang
