Tlawmngai pawl hnenah oxygen concentrator

Formosa Foundation-in Central YMA kaltlanga oxygen concentrator 500 a ruahman chu Inrinni khan inhlan a ni.
Hmanpuitu chief minister Lalduhoma chuan, damlo oxygen mamawhten tangkai taka an hman theih tur, nun chhanhimna hmanraw pawimawh tak Central YMA leh Formosa-in an ruahman chu midang tan malsawmna a ni a, a Pathian thu hle tih a sawi. Formosa Foundation chuan ram leh mipui tan kawng hrang hrangin hma an lo la tawh thîn a, Mizo mipui tana malsawmna thlentu an ni fo thin, tiin, tunah pawh an luang chhuak leh ta chu fakawm a tih thu a sawi bawk.
Assam Rifles-in tun tuma semchhuah oxygen concentrator phurh kualna lama an lo tanpui avangin an director general Lt. Gen. Vikas Lakhera chungah chief minister hian lawmthu a sawi bawk.
Formosa Foundation chairman Jonathan Lalremruata chuan, tanpui ngaite tana ding a, Mizoram-in a mamawh an tih ve theih apiang ti thin an ni tih a sawi a. Oxygen concentrator pawh hi damloten tangkai takin lo hmang se an duh tih a sawi. Sawrkar leh NGO nen ram tana thawhho zel an duh tih a sawi a ni.
Oxygen concentrator hi YMA branch 473 leh pawl dang 27 hnenah pek a ni a. Mizoram chhung leh Assam, Tripura, Manipur-a YMA branch thlanchhuah bakah Young Lai Association leh Mara Thalai Pawl branch tghenkhatin a hmunah an dawng nghal a. YMA Zuangtui Branch chuan an dawn tur ai hi YMApura Behliangchhip Branch an kian a ni.