Thla liam ta May kha Mizo tawng chuan |omir thla a ni a, to haw thla, ruah tam thla a ni. Kuminah pawh a tam a, mahse nikum a pha lo.
Nikum leh nikum hmasaah khan |omir thlaah ruah a tam em em mai a, 2024 |omir thla kha remal cyclone leh a ruah ken thawh chiam kum kha niin, 2025-ah pawh chhiatna thlen khawpin ruah a tam.
State Meteorological Centre-a an chhinchhiah danin, kumin |omir thlaah khan ruah tui mm 244.6 a tla a, hei hi a tam tia sawi theih a ni. Amaherawhchu, 2024 |omir thla (mm 519) leh 2025 |omir thla (mm 620) te erawh pha lo tak a ni.
2024 leh 2025 te a phak loh laiin 2023 erawh a pel a, 2023 khan |omir thlaah a tlem, mm 102.8 chauh a ni. 2022-a mm 327.8 a tla a, 2021-ah mm 164.2 a tla.
Kumin |omir thlaah khan ruah hi tam tlawrh tlawrha a sur tum a awm vak lo a, a sur tam ber ni May ni 26-ah pawh mm 39.2 emaw chauh a ni. Thla chawhnu lam, a bikin thla tawp lamah a sur ni tin a, hei hian belhkhawmin a titam ta a ni.
April thlaah khan mm 235.8 a tla a, May-ah a pung hret. Tarlan tawh angin May-ah hian thla tawp lamah ruah hi a sur tluang a, IMD lam chuan kuminah fur a intan hma dawnah an ngai. Thla tawp lamah a sur tluang ta bawk a, kumin hian May thla tawp lamah fur a intan tia sawi theih a nih thu State Meteorological Centre lam chuan an sawi. Fur hi June thlaa intanah ngaih chu a ni thin. June thlaah pawh ruah a sur chhunzawm.
Tun hnai kum 10
chhunga |omir thlaa ruah tla zat
2026-ah mm 244.6
2025-ah mm 620
2024-ah mm 519
2023-ah mm 102.8
2022-ah mm 327.8
2021-ah mm 164.2
2020-ah mm 290
2019-ah mm 190.7
2018-ah mm 232
2017-ah mm 216.5
Tomir thlaah ruah a tam
