Toothpick hmanga Eiffel Tower lem sain record siam
Naperville, Illionois, USA a cheng rawlthar pakhat chuan toothpick leh thil charna (glue) chauh hmangin Eiffel Tower lem, feet 17.32 a sang a saim a, Guinness World Record a siam.
A hming chu Eric Klabel a ni a, engineering lam a tuipui khawp mai a, 2020 khan vur kuang (popsicle stick) hmanga structure sang ber a lo siam tawh nghe nghe a, tunah chuan record dang, toothpick hmanga thil lem sang ber a siam leh ta a ni.
Eric chuan, “He record siam ka chakna chhan pakhat chu popsicle stick structure sang ber record ka siam khan nuam ka ti hle mai a, ka la naupan lehzual deuh lai kha a ni a. A aia thil harsa zawk, hmanraw hman harsa zawk hmanga record siam leh ka chak a. Toothpick te hi a sìn a, an khauh tawk lo bawk a, chuvangin thil harsa ve tak ni turah ka ngai a ni. Tichuan, toothpick hmanga milem siam hna chu ka tan ta a ni,” a ti.
Eric chuan toothpick te chu thil chârna (glue) hmangin a zawm sei a, a ke hnuai ber pali te chu feet 8 a sei an ni a, chutiang chu a siam belh ta zel a, a char khawm ta zel a ni. A tirah chuan an in chhungah bul a tan a, a hnuah chuan pawn lamah a remkhawm ta a ni.
Toothpick hmanga Eiffel Tower lem sain record siam
