Barcelona khawpuia World Superbike race second round-ah Northern Ireland six-time world champion Jonathan Rea talbuai lehin a tlanchhuak zo lo a, Toprak Razgatlioglu chuan Yamaha rider tlanchhuak zo lo hi hlawkpuiin pakhatna dinhmun a luah.
Turkey rider Razgatlioglu hian Circuit de Barcelona-Catalunya tlankawng lap hnuhnungberah Italy rider Nicolo Bulega hmakhalhin a vawikhatna atan BMW tan hnehna a sualchhuak.
Inrinni 20-lap race-ah khan kum 2020 hnu lama world title la hlawhchhuak leh ta lo kum 37 mi Jonathan Rea chu Yamaha bike-ah a talbuai chhunzawm a, he team tana a competitive race hmasaberah pawh 17-na daih a luah a; kumin February thla mai khan Phillip Island, Australia-a opening round race two-ah chesualin, tlankawng a\anga zawnchhuah ngai khawpin a lo khawsa tawh a, tun\umah pawh a tlanchhuak zo leh ta lo a ni.
Kum 27 mi Razgatlioglu khan BMW tana a pole position hmasaber a hlawhchhuak a, Barcelona Superpole race-ah tlanchhuak zo rider 10 zingah a chungnung ber a, lap record (one minute 39.489 seconds) a siam zui bawk.
Toprak Razgatlioglu chak
