Kansas City Chiefs press conference-ah an tight end Travis Kelce chuan a ngaihzawng, Taylor Swift nena an inkar sawi langin, an pahniha an hlimna a nih phawt chuan midang ngaihdanah an buai ni a sawiin, “Kan hlim phawt chuan, pawn lam thawm chu lo bengchheng deuh pawh ni se kan ngaithla lo mai. Hlim kha a pawimawh ber chu a ni,” a ti.
Swift leh Kelce te hi nikum July atang khan an love story a intan kha a ni a, NFL star Kelce hian Taylor Swift-i’n Eras Tour a neih laia Kansas City a tlawh tumin a phone number a ziahna frendship bracelet lo pek a tum a, mahse, Swift hi a tawng fuh thei ta lo. Hemi chungchang hi social media lamah a puang chhuak a, chu chu Swift-i’n lo hre velehin boruak a kal fuh ta a ni.
Swift hian Travis Kelce khelhna Kansas City Chiefs inkhel pawh a en zing ta malh malh hle a, Kelce chhungkua nen pawh an inpawh thain, chhungte pawh an inhmuh tawn sak zak zak tawh a, an inkar chungchang hi an thup lem lo va, khawlaia an inchuks zauh lai te pawh hmuh tur a awm ve ta zeuh zeuh bawk e.
Nikum December khan TIME magazine-ah Swift pawhin Kelce nena an inkar hi sawi chhuakin, “Inlaichinna chuthup loh kan tih chuan, a nuam tihzawng a tih lai te ka lo thlir thin dawn a, kan pahnih tan kan che chhuak thin a, midang pawh an lo awm ve a, mahse, chu chu kan tim phah chuang lo,” a lo ti ve tawh bawk a ni.
Travis Kelce-a’n Taylor Swift nen midang ngaihdanah an buai lo niin a sawi’
